ദൃശ്യം
മരണതീരത്തിലേയ്ക്കുള്ള
അഭയാർഥി പ്രവാഹം പോലെ
മദ്യശാലയിലേയ്ക്ക്
നീളുന്ന വരിനിരകൾ
പെയ്തുതീർന്ന യൗവനങ്ങളുടെ കഥ
പറഞ്ഞു ചിരിക്കുന്നു
ഓവുപാലത്തിനടിയിലെ
ഉടഞ്ഞ കുപ്പികൾ
അടുക്കളയിലെ
കണ്ണീരുപ്പു കലർന്ന ആധികൾ
നൃത്തം വെയ്ക്കുന്നു
സർക്കാർ ഖജനാവിൽ
വിഷദ്രാവകം വിറ്റ്
വിഷക്കാറ്റ് വിതച്ചതിന്റെ
പങ്കുപറ്റി ഏമ്പക്കം വിടുന്നു
ചില്ലുകൂട്ടിലെ മാതൃകകൾ
2
ചില സൗഹൃദങ്ങള്‍
ഹൃദയത്തിലിടം നൽകിയിട്ടും
കരൾ പാതി നൽകിയിട്ടും
കൂടൊഴിഞ്ഞ സൗഹൃദങ്ങൾ
ഹൃദയം കൊട്ടിയടച്ചിട്ടും
കരൾ മറയ്ച്ചു വെച്ചിട്ടും
വിട്ടകലാത്ത ഉപകാരസ്മരണകൾ
ആൾക്കൂട്ടത്തിൽ ഒറ്റപ്പെടുമ്പോൾ
വാലാട്ടി കൊണ്ടു വരാറുണ്ട്
തിരിച്ചറിയാത്ത ചില നന്ദികൾ
പൂവു തന്നു പൂന്തോട്ടം
തിരിച്ചു വാങ്ങുന്നവരുടെ ലോകത്ത്
ഉപാധികളില്ലാത്ത സ്നേഹവും
കണക്കുകൾ ഇല്ലാത്ത
ജീവിതവ്യവഹാരങ്ങളും
അർത്ഥശൂന്യം
നന്നായിട്ടുണ്ട് കവിത
മറുപടിഇല്ലാതാക്കൂആശംസകള്